Haqqımızda
Başlanğıc olaraq yolumuz 2009-cu ildən başladı. Müxtəlif növ ətir məhsullarının toptan və pərakəndə satışını həyata keçirib, müştərilərə yüksək səviyyədə xidmət göstərərək onların razılığını qazanmaq və bu sahəni inkişaf etdirmək əsas məqsədimiz oldu. Qayəmiz, ölkəmizin ətir bazarını keyfiyyətli və eksklüziv ətirlərlə zənginləşdirmək, beynəlxalq standartları ölkəmizdə tətbiq etməkdir.
Milli ünsürləri anaraq, adımızı dəyişib "Ətirşah" olaraq işimizə davam etdik.
“Ətirşah parfüm” 9 noyabr 2019-cu ildə təsis edilmişdir
"Ətirşah parfüm" keyfiyyəti və müştəri məmnuniyyətini öndə tutaraq, dünyanın bir sıra məşhur aparıcı ətir şirkətləri ilə əməkdaşlıq edib həmin şirkətlərin sertifikatlarına yiyələnərək, yeni məhsulları alıcılarımıza təqdim edir. Ətirlərimizin keyfiyyəti və müştərilərin məmnuniyyətinə nəzarət əsas meyarlarımızdandır.
Milli brendimiz
"Ətirşah parfüm" fərqi...
Şirkətimiz özünə məxsus ətirlərinin istehsalını 'Made in Azərbaycan' adIaltında həyata keçirir. MillI ornamentlərinə üstünlük verərək xüsüsi qablaşma dizayna malik ətirlər, ümüd edirik müştərilərin marağına səbəb olacaqdır.
Filiallar
Müştərilərin rahatlığını nəzərə alaraq, şirkət ümumilikdə 11 filialdan ibarətdir. Bunlardan 9-i Bakının müxtəlif nöqtələrində yerləşir və onlardan 6-i “Ətirşah” adı altında fəaliyyət göstərir. Mağazalar ən müasir dizaynda qurulmuş, rəng ahəngi ilə şərq və modern üslubunu özündə birləşdirir. Həmçinin, çatdırılma xidmətimiz şəhər daxili olduğu kimi bölgələrə də xidmət göstərir.
"by Ətirşah" əməkdaşlığı
Hal-hazırda şirkətimizlə əməkdaşlıq edən 13 mağaza "by Ətirşah" adı altında fəaliyyət göstərir. Bu, şirkətimizin brendi ilə işləyən və eyni standartlara uyğun xidmət göstərən mağazaların şəbəkəsidir. "by Ətirşah" adı, həmin mağazaların məhsul keyfiyyəti, xidmət və dizayn baxımından şirkətin standartlarına uyğun fəaliyyət göstərdiyini bildirir. ( "by Ətirşah" nədir? )
Beynəlxalq əlaqələr
17.01.2023 tarixində, ətir dünyasının tanınmış simalarından biri, "Ətirşah Parfüm" un rəsmi partnyoru, İngiltərənin “CPL Aromas” şirkəti baş parfümeri Christian Provenzanonun iştirakı ilə seminar keçirildi. Parfümeriya aləminin sirlərini bizimlə bölüşən ustad seminarda iştirak edən qonaqlara dəyərli tövsiyələr verdi. Tədbirin sonunda seminar iştirakçıları sertifikatlarla təltif edildi. Qonaqlar tərəfindən yüksək qiymətləndirilən bu seminarın təşkilatçısı olmaqdan məmnuniyyət hissi duyuruq.